Darganfod corff yn dilyn llifogydd

Gall Heddlu Gogledd Cymru gadarnhau bod corff dynes oedrannus wedi'i ddarganfod mewn eiddo yn Nhair Felin, Llanelwy, Sir Ddinbych yn dilyn y llifogydd.

Daeth Swyddogion lleol o'r Gwasanaethau Brys o hyd i gorff y ddynes wrth iddynt gynnal gwiriadau o dŷ i dŷ am hanner dydd heddiw, 27 Tachwedd.

Mae ymchwiliad ar y gweill.

Does dim amgylchiadau amheus ac mae'r farwolaeth yn cael ei thrin fel un na ellir ei hegluro ar hyn o bryd.

Mae teulu'r ddynes wedi eu hysbysu.

Does dim mwy o wybodaeth ar gael ar hyn o bryd.