Cafwyd cadarnhad mai corff dynes 74 mlwydd oed a ganfuwyd yn dilyn tân mewn eiddo ym Mhenygroes ddoe (Dydd Mawrth 14eg Mai).

Cafodd y cymydog, dynes yn ei phedwardegau, ei chludo i'r ysbyty gan barafeddygon am driniaeth oherwydd ei bod wedi anadlu mwg yn ystod y digwyddiad ddoe.  Yr oedd wedi galw'r gwasanaeth tân a achub ar ôl clywed larymau mwg yn seinio o'r eiddo lle'r oedd y tân.

Galwyd diffoddwyr tân o Gaernarfon i'r digwyddiad yn y tŷ teras ar Ffordd Llanllyfni am  15:03 o'r gloch ddoe.  

Mae ymchwiliad ar y cyd i achos y tân rhwng Heddlu Gogledd Cymru a Gwasanaeth Tân ac Achub Gogledd Cymru ar y gweill ond ni chredir bod achos y tân yn amheus.