Cafodd Gwasanaeth Tân ac Achub ei alw i dân mewn byngalo yng Ngharrog ger Corwen am 15.29 o'r gloch heddiw, Dydd Iau 16eg Ionawr.

Fe ddefnyddiodd criwiau o Langollen ddau set o offer anadlu ac un bibell ddŵr i fynd i mewn i'r eiddo.

Yn drist iawn, daethpwyd o hyd i gorff dynes 93 mlwydd oed yn yr eiddo.

Mae ymchwiliad ar y cyd rhwng Gwasanaeth Tân ac Achub Gogledd Cymru a Heddlu Gogledd Cymru bellach ar y gweill.

Nid oes rhagor o wybodaeth ar hyn o bryd.